سەرباری دروست کردنی دەیان رێگەوبان و بونیادنانی چەندین تونێل و پردو بەرزەپردو رێگای لاوەکی و سەرەکی لە گۆشەوکەناری کوردستان، ئەوە رووداوەکانی هاتوچۆن بوونەتە پەتای ناشرینی هاتوچۆو سیمای شارو شارستانیەت لە هەرێمی کوردستانەوە.
نەبوونی هۆشیاری هاتوچۆو پەروەردەی جوانی کۆمەڵایەتی و ئایینی و غیابی هەست کردن بە بەرپرسیارەتی دهەمبەر کۆمەڵگاو تاکەکانەوە، تا دێت لە رووداوەکانی هاتوچۆو کێشە کۆمەڵایەتیەکان رەنگ دەداتەوە و رۆژانە بینەرو بیسەری دەرەنجامە دڵتەزێنەکانین.
دەرهاوێشتەکانی ئم رووداوانە لە هەرێمی کوردستان سیمایەکی ترسناکە بە رێگاوبانەکان بە گشتی و ئاستی ماهیەتی پێشکەوتن و شارستانیەتی کۆمەڵگەی کوردی بەخشیوە.
چەمکەکانی هۆشیاری کۆمەڵایەتی و رۆشنبیری هاتوچۆو پەروەردەو ئاگایی ئایینی و سەرخستنی نەریتە جوانەکان و ئارام گرتن لە کاتی دروست بوونی کێشە، لە زۆربەی هەرە زۆری رووداوەکان دوورمان دەخاتەوە.
جڤاکی کوردی پێویستی بە سەرلەنوێ دارشتن و گەنگەشە کردنی چەمکەکانی بەرپرسیارەتی و هۆشیاری و رۆشنبیری و ئەرکناسی و ئاشناکردنی تاکەکانە بە ماف و بەرپرسیارەتیەکانەوە.
وەڵام بدەوه