ئاستی بیرکردنەوەو هزری مرۆڤی ئەم سەردەمە بێگومان لە رووی هۆشیاری و تێگەیشتن و پێگەیشتن و پانتای چالاکی و مەودای بڕین و رووبەری بریاردان و باش و خراپ لێک جیاکردنەوە، جیاوازیەکی زۆری لەگەڵ ئەو گۆشە نیگا کلاسیکە چەقبەستووەی جاران هەیە.
زۆر شت هەن مرۆڤایەتی جیل و دوای جیل لە قۆناغە زەمەنیەکانی رابردوو گیرۆدەیان بوو و توانای بڕینی سنوورەکانی بیرکردنەوەی نەبوو و لە بازنەیەکی داخراو بە دەور شتەکان و کەسەکان و ئایدیۆلۆژیەکان و دیاردەو حاڵەتەکان دەخولایەوە.
بۆیە
زۆر زەروورە بریار بەدەستان، بەرپرسان و سیاسیەکان، کارگوزاران و ئەوانەی دەیانەوێ ناویان لە مێژووی مرۆڤایەتی بە درەوشاوەی بنووسرێتەوە، لە هەر هەنگاوێکی هەڵێنراویان رەچاوی هەلومەرجە گۆڕاوەکانی کۆمەڵگا، هۆشیاری گەل و ستراکتۆر و بناغەی کۆمەڵگای سەردەم و جیهانگیری و کۆی کۆنتێکستەکانی ژیانی ئێستا بکەن.
پێویستە زۆر وردبینتر لە جاران لە کاتی رووبەرووبوونەوە لەگەڵ ئاڵنگاریەکانی ژیان و چۆنیەتی هەڵسوکەوت کردن لەگەڵ پرسە پەیوەندیدارەکانی کۆمەڵگا و ژیان وگوزەرانی هاوڵاتیان، بریار دەربکەن.
لەمەش زیاتر پێدڤیە دوور کەونەوە لە ئاڵۆزکردنی دۆخە هەستیارەکان وزاڵ کردنی بەرژوەندیە تاکە کەسیەکان بەسەر بەرژەوەندی گشتیدا...ئەمە کارێکی مەحاڵ و نەکردەنی بێ، ئەگەر مرۆڤ خۆی بە دڵسۆزی خاک و نیشتیمان وگەلی شەکەت و هیلاک و ماندووی خۆی بزانێ ودوورکەوێتەوە لە بازاری موزایەدەکردن بەسەر یەکتریەوە...
مرۆڤە گەورەکان مێژوو دەنووسنەوە، چاوەروانی نووسینەوەی میژوو ناکەن.
وەڵام بدەوه