هەرێمی کوردستان دەمێکە بە تەنگ گەیشتنی چارەسەرەوەیە لەگەڵ بەغدا بۆ یەکلایی کردنەوەو رێککەوتنی یەکجارەکی تایبەت بە سەرجەمی پرسە هەڵواسراوەکانی نێوان بەغداو هەولێرەوە.
حوکومەتی هەرێمی کوردستان و بەتایبەتی کابینەی نۆهەم لەوەتەی دەست بەکار بووە، دەیان وەفدی ناردۆتە بەغدا بۆ رێککەوتن و دەرکردنی یاسای نەوت و غازەوە.
ئەم کابینەیەی حوکومەتی هەرێم بە درێژایی چوار ساڵی رابردوو لە رێگەی چەندین دەست پێشخەریەوە هەوڵی جدی و شێلگێرانەی داوە کيشە هەڵواسراوەکانی نێوان حوکومەتی ئیتیحادی و هەولێر لە رێگەی دانوستان و گفتوگۆی جدیەوە چارەسەریان بۆ بدۆزرێتەوەو ئەم دۆخە نەخوازراوەی لێک تێنەگەیشتن کۆتایی بێت.
لەم سەرووبەندەدا بڕیاری دادگای پاریس هیچ لە دۆخەکە ناگۆڕێ و هەردوولا پابەند دەکات میکانیزمێکی گونجاو بۆ مەسەلەی فرۆشتنی نەوتی هەرێم بدۆزنەوەو کارەکان بە هەماهەنگی یەکترەوە بێت و بگاتە ئەنجام.
دەرەنجامی هەوڵ و ماندووبوونەکانی حوکومەتی هەرێمە سەرۆک وەزیرانی نوێ بە جدی نیازپاکی خستۆتەڕوو بۆ گەیشتن بە رێککەوتنی یەکجاری و گواستنەوەی دۆخەکە بە ئاقارێکی باشترو هیوابەخشترو سەقامگیرترەوە.
وەڵام بدەوه