هەرێمی کوردستان ماڵی گشت کوردێکی نیشتیمانپەروەرو خاوەن ویژدان و پەرێزپاکە.
کوردستان موڵکی کوردستانیان و بەرەنجامی دەیان ساڵ خەبات و قوربانیدان و ماڵوێرانیە.
هەرێمی کوردستان بەری رەنج و خەبات و تێکۆشان و ماندووبوونی هەموو ئەو جوامێرانەیە بە خوێن و ئارەقە و درووشمی نەسرەوتن تا سەرکەوتن و گیانفیدایی و لە خۆبووردووییەوە لە شەوەزەنگە تاریکەکانی سەردەمی داگیرکاری و ستەمی نەتەوایەتی و مقاوەمەی شاروشاخ و بەرەنگاری شۆفینیەت و خۆسەپێنی نەژادی بەعس، کۆڵیان نەداو خوێنیان بەخشی.
هیچ کوردێکی دڵسۆزی نیشتیمان، هیچ تاکێکی بەئەمەک و تینووی ئازادی و ژیانی سەربەستی لەژێر هیچ فشارو هەژمون و چاوسوورکردنەوەیەکی دەرەکی یا ناوەکی بەکرێگیراو یا کەلەکەبوونی کێشە ناوخۆییەکان، نابێت ئاوات بە سەرشۆڕی یا لە خراپترین حاڵەت مڵدان بە کەڵەگایی یا سەپاندنی حوکوم و هێزو ئایدیای دەرەکی و نامۆ بە کوردەوە بخوازێ.
کوردستان بەوەیەوە جوانە ئێمەی پەرتەوازەو پەرتکراو یەک بگرین، یەکبین، ڕیزەکانمان یەکخەین و یەک هەست و یەکدەست و یەک هەڵوێست بەگژ سەرجەم ئەو پلان و پیلان و دەسیسە گوماناویانەدا بچینەوە دەیانهەوێ بمانگێڕنەوە دۆخی ژێردەستی و دەستەمۆیی و لێسەندنەوەی شوناسی نەتەوەییمان.
هەرێمی کوردستان پێگەو قەوارەو یەکەیەکی یاسایی و دەستووری دانپانراوەو هەرگیز هەڵناوەشێتەوەو کۆڵ نادات.
کوردستان شوناسێکە بە خوێن هاتۆتەدەست و بە زیندوێتی و بەهێزیش دەمێنێتەوە.
وەڵام بدەوه