دیداری مێدیایی سەرۆکی حوکومەتی هەرێم دەرکەوتنێکی ئاسایی و رووت نیە لە کایەی سیاسی هەرێمدا.
رووبەری مێدیایی لە کۆمەڵگای کوردی و گەشەی خێرای تەکنۆلۆجیاو بواری ئایتی دەخوازێ مرۆڤ لە هەر پێگەیەکی دەسەڵاتدا بێت، دەرفەتەکان بقۆزێتەوە بۆ دەرکەوتن، دوان و قسەکردن و رۆشنایی خستنەسەر ئەو پرس و بابەتانەی پەیوەندی ڕاستەوخۆیان بە ژیان و گوزەرانی هاوڵاتیانەوە هەیە.
لەم سەردەمەی خۆ دابڕانی مرۆڤەکان لە یەکتر و هەنگاونانی دونیای راگەیاندن بەرە پەرەسەندنەکانی دونیای مەجازی و تۆڕە کۆمەڵایەتیەکان، زۆر گرینگە مرۆڤ لەگەڵ گۆڕانکاریەکان بڕوات و بۆ گوێ گرتن لە ڕاز و نیازی هاونیشتیمانیان زیاتر دەرکەوێت.
بەرسڤدانەوەی پرسیارەکانی شەقام و خەڵک، بە سود وەرگرتن لە دەرفەتی مێدیاو کەرەسەکانی راگەیاندن پێنگاڤێکی بایەخدارو گرینگە بە ئاڕاستەی شەفافیەت و رەواندنەوەی تەمی لێک تێنەگەیشتنەکان و دروست کردنی تێگەیشتنی نوێ لە دۆخە سەختەکاندا.
وەڵام بدەوه