ئەنتۆنی بلینكن وەزیری دەرەوەی ئەمریكا لەبەردەم ئەنجومەنی ئاسایشی نێودەوڵەتی ڕایگەیاند، ویلایەتە یەكگرتووەكانی ئەمریكا بەشێوەیەكی توندو یەكلاكەرەوە، وەڵامی هەر هێرشێك دەداتەوە کە بكرێتە سەر هێزەكانی.
ئەنتۆنی بلینکن وتیشی، شەڕمان لەگەڵ ئێران ناوێت بەڵام زۆر بە قورسی وەڵامی كردنە ئامانجی بەرژوەندییەكانمان دەدەینەوە و جەخت لە مافی هەموو وڵاتێك دەكەینەوە, بەرگری لەخۆی بكات.
بەوتەی وەزیری دەرەوەی ئەمریکا “هەر وڵاتێك لەجێی ئیسرائیل بێت, هەمان ئەو هەڵوێستە دەگرێتەبەر, كە ئیسرائیل ئەنجامیدەدات, كە ئەویش مافی بەرگریكردنە لەخۆی لەو هێرشانە”.
وتیشی “فەلەستینیەكان بەرپرس نین لەوەی حەماس ئەنجامیداوە, پێویستە لە سەر ئیسرائیل, هەموو رێوشوێنێكی پێویست بگرێتەبەر, بۆ دورخستنەوەی هاوڵاتیان لە نەهامەتی و تاكە رێگا بۆ دەربازبوون لەو بازنە توندوتیژیە مەترسیدارە, چارەسەری دوو دەوڵەتە”.
وەڵام بدەوه