شەڕ ناوەستێت

هاكان فیدان وەزیری دەرەوەی توركیا رای گەیاند، وڵاتەكەی پێشنیاری بە رووسیا داوە بۆ ئەوەی لە دەریای رەش ئاگربەست بكرێت، كەچی ماریا زاخارۆڤا گوتەبێژی وەزارەتی دەرەوەی رووسیا لە وەڵامدا گوتی، "شەڕ  راناگرین و توركیایش پێشنیاری لەم جۆرەی نەكردووە".
ئەمڕۆ هەینی 14ی ئاب، ماریا زاخارۆڤا گوتەبێژی وەزارەتی دەرەوەی رووسیا لە لێدوانێكی رۆژنامەوانی گوتی، "لە دەریای رەش شەڕ راناگرین". ئەمەیش وەڵامێك بوو بۆ هاكان فیدانی وەزیری دەرەوەی توركیا كە گوتبووی، "پێشنیارمان بۆ رووسیا كردووە ئاگربەست لە دەریای رەش بكرێت بۆ تێپەڕبوونی كەشتییەكانی ئۆكراینا".
زاخارۆڤا دەڵێ‌، " لە هیچ كەناڵێكی فەرمی رووسیا ئەو پێشنیارە بە ئێمە نەدراوە، رێز لە هەر دەستپێشخەرییەكی ئاشتیش دەگرین".
لە ماوەی رابردوودا چەندان جار لە دەریای رەش هێرش كرایە سەر كەشتییەكان.