وه‌زاره‌تی گه‌نجینه‌ی ئه‌مه‌ریكا له به‌یاننامه‌یه‌كدا رای گه‌یاند، دوو دامه‌زراوه و دوو كه‌سیان به‌هۆی ئه‌وه‌ی كه پارچه‌ی یه‌ده‌گی قه‌ده‌غه‌كراویان بۆ هێزه‌كانی ئێران دابین كردووه، سزا دا.
له به‌یاننامه‌كه‌دا هاتووه، ''دامه‌زراوه‌ی جیهادی خۆبژێویی هێزه ئاسمانییه‌كانی سوپای پاسداران و دامه‌زراوه‌كانی تری كۆماری ئیسلامی، پشتیان به‌و سیستمه ده‌به‌ست كه بۆیان دابین ده‌كرا و له به‌رهه‌مهێنانی درۆن و مووشه‌كه‌كاندا به‌كار ده‌هێنرا.''
ئه‌و هه‌نگاوه‌ی وه‌زاره‌تی گه‌نجینه‌ی ئه‌مه‌ریكا بۆ سزادانی دوو دامه‌زراوه و دوو كه‌سی ئێران، به هاوئاهه‌نگیی وه‌زاره‌تی بازرگانی و وه‌زاره‌تی دادی ئه‌و وڵاته بووه و ته‌نانه‌ت له ئه‌مه‌ریكا یه‌كێك له‌و كه‌سانه‌ی سزای به‌سه‌ردا سه‌پێنراوه، گیراوه.
كه‌سه‌كه ناوی مه‌هدی محه‌مه‌د سادقییه و له ویلایه‌تی ماساچوسێت ده‌ستبه‌سه‌ر كراوه و بڕیاره به‌مزووانه دادگایی بكرێت.
مه‌هدی سادقی كارمه‌ندی كۆمپانیایه‌كی ئه‌مه‌ریكییه كه هه‌ندێك پارچه‌ی تایبه‌تی پیشه‌سازیی به‌رهه‌م هێناوه، كۆمپانیاكه‌یش یاساكانی هه‌نارده‌ی ئه‌مه‌ریكای پێشێل كردووه.
به‌گوێره‌ی دۆیچه‌وێله، كۆمپانیایه‌كی تر به sadra ناسراوه كه سیستم و ئامێری پێویستی بۆ كارگه‌كانی به‌رهه‌مێنانی مووشه‌ك و درۆن و پیشه‌سازیی سه‌ربازی دابین ده‌كرد.
ئه‌مه‌ریكا پێشتریش سزای به‌سه‌ر ده‌یان كۆمپانیا و كه‌سی ئێرانیدا سه‌پاندووه كه یاساكانی ئه‌و وڵاته‌یان پێشێل كردووه و هاوكاریی پیشه‌سازیی سه‌ربازیی سوپای پاسدارانیان كردووه
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه