ماركۆ رۆبیۆ ئێران ناتوانێت فیڵ لە دۆناڵد ترەمپ

رۆبیۆ لە دیدارێك لەگەڵ تۆڕی "فۆكس نیوز"ی ئەمەریكی گوتی، ئۆپراسیۆنە سەربازییەكانی ئەمەریكا شەڕ نییە لە دژی ئێران،، بەڵام هەر كاردانەوەیەكی ئێران لە دژی ئەمەریكا دەبێتە گەورەترین هەڵە كە تا ئێستە تاران ئەنجامی دابێت، بۆیە ئەمەریكا هەوڵی گۆڕینی رژێمی ئێران نادات و تا ئێستە دەرگەی گفتوگۆ واڵایە و واشنتن بۆ گفتوگۆی رژد ئامادەیە.

رۆبیۆ دووپاتی كردەوە، تا ئێستە پێشنیازەكەمان بەردەوامە، بەڵام ئێران ناتوانێت فیڵ لە دۆناڵد ترەمپ سەرۆكی ئەمەریكا بكات، ئاماژەی كرد، چارەسەری كێشەی ئەتۆمیی تاران لە رێگەی گفتوگۆیەكی راستەوخۆ لەگەڵ ئەمەریكا دەبێت، ئێرانییەكان ئەوەندە نەرم نین كە وا خۆیان پێشان دەدەن، هەرچی میلیشیاكانی ئێرانە، تەنیا هێرش ناكەینە سەر ئەوان، بەڵكو لێپرسینەوە لەگەڵ ئێرانیش دەكەین، چونكە ئێران لەپشت هەر كێشەیەكە لە رۆژهەڵاتی ناوەڕاست.