فەرماندەیەکی باڵا کوژرا

جێگری فەرماندەی هێزی دەریایی ڕووسیا لە هێرشی مووشەکی بۆ سەر ناوەندی فەرماندەیی کورسک کوژرا

ئۆلێگ کۆژێمیاکۆ، كه‌ سه‌رپه‌رشتیارى ناوچەیەکه‌ لە ڕۆژهەڵاتی دووری ڕووسیا ئەمڕۆ (پێنجشەممە 3ى 7ى 2025) ڕایگەیاند، جەنەڕاڵ میخائیل گودکۆڤ، جێگری فەرماندەی هێزی دەریایی ڕووسیا کە هاوکات فەرماندەی لیوایەک بوو کە دژی ئۆکرانیا شەڕیان دەکرد، لە ناوچەی کورسکی ڕوسیا، کوژرا.

کەناڵە نافەرمیەکانی تێلێگرامی ڕووسیا و ئۆکرانیا پێشتر بڵاویان کردەوە کە گودکۆڤ لەگەڵ ١٠ سەربازی دیکە لە هێرشی ئۆکرانیا بۆ سەر ناوەندێکی فەرماندەیی لە شارۆچکەی کۆرینێڤۆی ناوچەی کورسک هاوسنووری ئۆکرانیا، کوژراوە.

گودکۆڤ یەکێکە لە دیارترین ئەفسەرە سەربازییەکانی ڕووسیا کە لەلایەن ئۆکرانیاوە كوژراوه‌ لەو کاتەوەی مۆسکۆ لە ساڵی 2022 شەڕی تەواوەتی لە دژی ئۆکرانیا، دەستپێکردووە.

لە بەیاننامەیەکدا کە لە ماڵپەڕی کرێملین بڵاوکراوەتەوە، ئاماژەی بەوە کردووە، ڤلادیمێر پوتین، سەرۆکی ڕووسیا لە مانگی ئازاری ڕابردوودا ئه‌و جه‌نه‌ڕاڵه‌ى وەک جێگری فەرماندەی هێزی دەریایی دەستنیشانی کردووە.