ترەمپ هاتە دەنگ

 ترەمپ لەبارەی کشانەوەی هێزەکانی ئەمەریکا لە عێراق پەیامێک بڵاو دەکاتەوە
 دۆناڵد ترەمپ: پرۆسەی کشانەوەمان لە بنکەی ئاسمانیی هەولێر زۆر ڕێکخراو و سەرکەوتووە
ئەمڕۆ چوارشەم 30ی ئەیلوولی 2026، دۆناڵد ترەمپ سەرۆکی ئەمەریکا، لە پەیامێکدا کشانەوەی دوایین هێزەکانی ئەمەریکای لە عێراق ڕاگەیاند. ترەمپ پرۆسەی کشانەوەکە لە بنکەی ئاسمانیی هەولێر بە نموونەیەکی سەرکەوتوو و ڕێکخراو وەسف دەکات و دەڵێت، بەم هەنگاوە ئارامە کۆتایی بە مانەوەیەکی درێژخایەن و پڕتێچووی وڵاتەکەی لە عێراق دەهێنرێت.
لە بەشێکی تری پەیامەکەیدا سەبارەت بە پرۆسەی کشانەوەکە، سەرۆکی ئەمەریکا بەراوردی پرۆسەکە دەکات لەگەڵ کشانەوەی هێزەکانیان لە ئەفغانستان، و ڕوونی دەکاتەوە کە بەپێچەوانەی ئەفغانستان کە بڕێکی زۆر کەرەستەی سەربازی لێ جێهێڵرا و 13 سەربازیش کوژران، پرۆسەی کشانەوەی هێزەکانی هاوپەیمانان و کەرەستەکانیان لە بنکەی ئاسمانیی هەولێر زۆر ڕێکخراو و پارێزراوە. ترەمپ ئاماژە دەکات کە لە ڕێی ئەم کشانەوە سەرکەوتووەی هەولێرەوە، ئەمەریکا کۆتایی بەو جەنگە درێژەی ناو عێراق دەهێنێت کە بۆ ئەوان وەک "گەشتێکی زۆر تێچوودار بۆ ناو دۆزەخ" وابووە.