ترەمپ هێرش دەکەینە سەر ئێران

ترەمپ: بیر لە هێرشکردنە سەر ئێران دەکەینەوە و ڕەنگە سبەی بێت
دۆناڵد ترەمپ سەرۆکی ئەمەریکا، ڕای گەیاند کە بیر لە ئەنجامدانی هێرشی سەربازی بۆ سەر ئێران دەکەنەوە و ئەگەری هەیە لە ماوەیەکی زۆر نزیکدا جێبەجێ بکرێت.
لە لێدوانێکی نوێدا سەبارەت بە گرژییەکانی نێوان واشنتن و تاران، دۆناڵد ترەمپ ئاشکرای کرد کە بژاردەی سەربازی دژی ئێران لەسەر مێزە و ڕەنگە بە کتوپڕی جێبەجێ بکرێت.
ترەمپ لە لێدوانەکەیدا گوتی، "بیر لە هێرشکردنە سەر ئێران دەکەینەوە و ڕەنگە سبەی ئەوە ڕوو بدات، بەڵام کاتی هیچ ئۆپراسیۆنێکی سەربازیی چاوەڕوانکراو ئاشکرا ناکەم".
ئەم لێدوانە لە کاتێکدایە کە پێشتر ئێران لە ڕێگەی پاکستانەوە پێشنیازی بۆ ئەمەریکا کردبوو گەرووی هورمز بکاتەوە، بەو مەرجەی واشنتن گەمارۆکانی سەر بەندەرەکانی تاران هەڵبگرێت، بەڵام دیارە ئەمەریکا بژاردەی فشاری توندتری هەڵبژاردووە.