نرخی نەوت فڕی

ئەمڕۆ دووشەم 10ی ئابی 2026، نرخی نەوت بە ڕێژەی زیاتر لە 4% بەرز بووەوە، دوای ئەوەی ئێران و ئەمەریکا داوای قەرەبووکردنەوەیان لە یەکتر کرد، کە ئەمەش هیواکانی بۆ گەیشتن بە ڕێککەوتن بۆ کردنەوەی گەرووی هورمز کەم کردەوە.
ئێران داوای کردووە کە دەبێت ئەمەریکا سزاکانی لەسەر لاببات و ژمارەیەک مەرجی تری جێبەجێ بکات لە بەرانبەر کردنەوەی گەرووەکەدا، لە کاتێکدا دۆناڵد ترەمپ سەرۆکی ئەمەریکا ڕای گەیاندووە، دەبێت ئێران قەرەبووی هەموو ئەو کەسانە بکاتەوە کە کوشتوونی یان بە سەختی برینداری کردوون.
پێشتر و هەر ئەمڕۆ، نرخی نەوت بەرز بووەوە بەهۆی نادیاریی کاتی کردنەوەی گەرووی هورمزەوە، لە کاتێکدا هێشتا دۆخەکە ناڕوونە و ڕێککەوتنێک بۆ دەستپێکردنەوەی کەشتیوانی مسۆگەر نەکراوە.
گرێبەستەکانی نەوتی برێنت 91 سەنت بەرز بووەوە، واتە بە ڕێژەی 1.09%، و گەیشتە 84.46 دۆلار بۆ هەر بەرمیلێک. هەروەها نەوتی تەکساسی ئەمەریکیش 61 سەنت، واتە بە ڕێژەی 0.78% بەرز بووەوە و گەیشتە 78.79 دۆلار بۆ هەر بەرمیلێک.