داشکاندنی گەورە گەڕایەوە

پڕۆژەی رووناكی هاووڵاتییان ئاگادار دەكاتەوە كە 18ـی مانگی داهاتوو، دواین كاتە بۆ دانەوەی قەرزە كۆنەكان كە داشكانی 50%ـی بۆی كراوە.
ئەمڕۆ سێشەم 29ـی ئەیلوول، پڕۆژەی رووناكی بڵاوی كردووەتەوە، دواین دەرفەت بۆ داشكاندنی قەرزی كۆنی پێش ڕووناكی داشكاندنی تا 50% بۆ هاوبەشانی ماڵان و كشتوكاڵی، داشكاندنی تا 25% بۆ شوێنە پیشەسازی، بازرگانی و حكوومییەكان بەردەستە.
ئاماژە بەوەش كراوە، بڕی داشكێنراوی قەرزەكەتان بە یەكجار لە ڕێگەی ئی-پسوولە یان فرۆشیاری وزە بدەن و پێش 18ی تشرینی یەكەم، لەم دەرفەتە سوودمەند بن.
پڕۆژەی رووناكی ئاماژەی بەوەش كردووە، دوای ئەم ڕێكەوتە، داشكاندنەكە كۆتایی دێت و قەرزی ماوە بەشێوەی قیستی مانگانە و بەبێ داشكاندن، دەدرێتە سەر پسوولەكانی ڕووناكی.
ئەوە لە كاتێكدایە هەفتەی رابردوو حكوومەتی هەرێمی كوردستان، لەسەر داوای هاوووڵاتییان جارێكی تر قەرزی كارەبای داشكێنراوی دووبارە درێژ كردەوە.