بڕیارە سبەی دووشەممە رەجەب تەیب ئەردۆغان سەرکۆماری تورکیا لەمیانی سەردانەكەیدا بۆ بەغدای پایتەختی عێراقی فیدراڵ، 20 رێککەوتن لە بوارەكانی نەوت و ئاو و ئاسایشەوە لەگەڵ لایەنی عێراقی ئیمزا بكات.
هاکان فیدان وەزیری دەرەوەی تورکیا رای گەیاند، ئەردۆغان سەردانی بەغدا دەکات و 20 رێککەوتنی گرنگ لەگەڵ سەرۆک وەزیرانی عێراقی فیدراڵ ئیمزا دەکات.
فیدان ئاماژەی بەوەش دا كە ئامانجیانە لەو سەردانەدا، ئارامیی لە ناوچەکە بەدی بێنن، تا بەرەو پێشچوونی گرنگ لە نێوان هەردوو وڵات رووبدات.
فیدان، باسی لەوەش کرد، دوای بەغدا، ئەردۆغان سەردانی هەولێری پایتەختی هەرێمی كوردستان دەكات و لەوێش چەندین کۆبوونەوەی گرنگ ئەنجام دەدات.
جێی باسە سەردانەکەی ئەردۆغان، یەک رۆژ دەخایەنێت.
وەڵام بدەوه