سەرۆکوەزیران و فەرماندەی گشتیی هێزە چەکدارەکانی عێراق، محەممەد شیاع سوودانی، ڕێنمایی گرتنەبەری کۆمەڵێک ڕێوشوێنی سەربازی دا بەرامبەر بە هەڕەشەکانی ئیسرائیل بۆ ئەگەری هێرشکردنە سەر عێراق.
یەحیا ڕەسووڵ، وتەبێژی فەرماندەی گشتی هێزە چەکدارەکانی عێراق ڕایگەیاند: سەرۆکوەزیران داوای ئامادەکردنی هەموو پێداویستییەکانی بەرگریی ئاسمانی، چاودێریکردنی چڕی سنوورەکان، ئەنجامدانی ئۆپەراسیۆنی پەیوەست بە ڕێگریکردن لە قەرەباڵغی لە شوێنێکی دیاریکراو، کۆکردنەوە و شیکردنەوەی زانیاریی هەواڵگری هەر 12 کاتژمێر جارێک و بەرزکردنەوەی وەک ڕاپۆرتێک بۆ فەرماندەی گشتی هێزە چەکدارەکان دەکات.
ڕەسووڵ ئاماژەی بەوەدا، فەرماندەی گشتی هێزە چەکدارەکانی عێراق فەرمانی بە سەرجەم هێزە ئەمنییەکان کردووە بۆ دەستگیرکردنی هەر کەسێک کە پێشێلی یاسا دەکات و لە دەرەوەی ڕێنماییەکانی حکومەت ڕەفتار دەکات و چالاکیی سەربازی وەک بەکارهێنانی مووشەک و درۆن دژی وڵاتانی دیکە بەکاردەهێنێت.
وەڵام بدەوه