ئاژانسی (شەفەقنیوز) ڕاگەیاندووە: هاوپەیمانیی ئیدارەی دەوڵەت ناچار بووە جارێکی تر کۆبوونەوەکەی دوا بخات کە بڕیار بوو ڕۆژی شەممە بەڕێوە بچێت و بە هۆی ئامادەنەبوونی لایەنی کورد و سوننە بۆ دوێنێ یەکشەممە دوا خرابوو.
سەرچاوەیەك بە ئاژانسەكەی ڕاگەیاندووە:"بە هۆی ئامادەنەبوونی لایەنە کوردی و سوونییەكان لە کۆبوونەوەکەدا كە محەمەد شیاع سوودانی، سەرۆكوەزیرانی عێراق داوای كردبوو، كۆبوونەوەكە نەكراوە."
بەپێی سەرچاوەكە ئامادەنەبوونی هێزە كوردی و سوننەكان لەو كۆبوونەوەیە بە هۆكاری بڕیاری دادگای باڵای فیدراڵی بووە كە لەو دواییانە سەبارەت بە ڕاگرتنی جێبەجێكردنی سێ یاسا دای و ناڕەزایی سوننەكان و كوردی لێكەوتەوە.
هێزە کوردی و سووننەكان ناڕەزاییی خۆیان لە بڕیارەکەی دادگای فیدراڵی دەربڕیوە سەبارەت بە ڕاگرتنی جێبەجێكردنی لێبوردنی گشتی و گەڕاندنەوەی زەویوزار لە كەركووك بۆ خاوەنە ڕەسەكانیان و هەمواری یاسای باری كەسی، ئەمەش وای کرد محەمەد شیاع ئەسوودانی، سەرۆکوەزیرانی عێراق، داوای کۆبوونەوەیەکی بەپەلە بكات، بۆ هێورکردنەوەی دۆخەکە، بەڵام بەهۆی بایکۆتکردنی لایەنە کورد و سوننەكان بۆ دووەمجار كۆبوونەوەكە نەكراوە.
وەڵام بدەوه