نوسینگەی راگەیاندنی جێگری سەرۆكی ئەنجومەنی نوێنەرانی عێراق ،ئەمرۆ یەك شەممە 3 ی ئەیلولی 2023 بڵاویكردەوە،دكتۆر شاخەوان عەبدوڵڵا بەدواداچوون بۆ پەرەسەندنی روداوەكانی كەركوك دەكات و لەپەیوەندیدایە لەگەڵ سەرۆك وەزیران و هەندێك لە لایەن و كەسایەتییەكان، جەختیش دەكاتەوە لەسەر ئەوەی نانەوەی پشێوی و دروستكردنی قەیرانەكان و داخستنی رێگاكان هەڕەشەیە بۆ سەر ئاشتی كۆمەڵایەتی .
هەروەها جێگری سەرۆكی ئەنجومەنی نوێنەرانی عێراق , بە نیگەرانییەكی زۆرەوە بەدواداچوون بۆ پەرەسەندنی روداوەكانی پارێزگای كەركوكی كردو لەكاتژمێرەكانی رابردوودا، پەیوەندی تەلەفۆنی لەگەڵ سەرۆك وەزیران و ژمارەیەك لەلایەن و كەسایەتییەكان ئەنجامدا.
هاوكات نیگەرانی خۆی دەربڕیوە لە بەرزبونەوەی ژمارەی شەهیدەكان بۆ چوار لاوی كوردو بەرزبونەوەی ژمارەی بریندارەكان، بەهۆی كاریگەری تەقەكردنی هێزە ئەمنییەكان بۆ بڵاوەپێكردنی خۆپیشاندەرانی ئاشتیانەی رۆڵەكانی كەركوك، ئەوانەی داوای كردنەوەی رێگای كەركوك – هەولێریان كردبوو.
جێگری سەرۆكی ئەنجومەنی نوێنەرانی عێراق جەختیشیكردەوە، كە نانەوەی ئاژاوەو دروستكردنی قەیرانەكان و داخستنی رێگاكان و زیان گەیاندن بە بەرژەوەندی هاوڵاتیان، بە دڵنیاییەوە هەڕەشەیە بۆ سەر ئاشتی كۆمەڵایەتی و ئاسایش و سەقامگیری شارەكە تێكدەدات.
هەروەها جێگری سەرۆكی ئەنجومەنی نوێنەرانی عێراق، داوای لەحكومەتی فیدڕاڵییش كرد، رێوشوێنی پێویستی بەپەلە بگرێتەبەرو ئاسایش و سەروەری یاسا بەسەر هەمویاندا بسەپێنێت، لەگەل پاراستنی ئاسایش و ژیانی سەرجەم پێكهاتەكانی كەركوك و رێگرتن لە هەموو ئەوانەی هەوڵی تێكدانی ئاسایشی پارێزگاكە دەدەن.
بە پێویستیشی زانی، لێپێچینەوە لەو هێزە ئەمنییانە بكرێت، كە تەقەیان لە خۆپیشاندەرانی ئاشتیخواز كردووە، لەگەڵ كردنەوەی رێگای نێوان كەركوك –هەولێرو گەڕاندنەوەی سەقامگیری و ژیانی ئاسایی بۆ شارەكە.
جێگری سەرۆكی ئەنجومەنی نوێنەرانی عێراق دكتۆر شاخەوان عەبدوڵڵا بەدواداچوون بۆ پەرەسەندنی روداوەكانی كەركوك دەكات
1سال |
کوردستان پڕێس  |
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه