وەزارەتی دارایی ڕوونکردنەوە لەبارەی لێبڕینی هەزار دینار لە مووچەی فەرمانبەران دەدات و دەڵێت، بابەتێکی نوێ نییە و ساڵانە دووجار لە مووچەی مانگی 7 و مانگی 12 لە فەرمانبەران لە تەواوی عێراق دەبڕێت.
ئەمڕۆ سێشەممە 03ـی 10ـی 2023 وەزارەتی دارایی و ئابووری هەرێمی کوردستان لە وەڵامی چەند پەیج و کەناڵێک کە لێدوانێکیان بەناوی د. هاوڕێ کەمال ڕاوێژکاری یاسایی وەزارەت سەبارەت بە لێبڕینی هەزار دینار لەمووچەی مانگی تەمموزی فەرمانبەران ڕوونکردنەوەیەکی بڵاوکردۆتەوە و ڕایگەیاند: بۆ ڕای گشتی و سەرجەم دەزگاکانی ڕاگەیاندنی ڕوون دەکەینەوە کە ناوبراو هیچ لێدوانێکی لەسەر ئەو بابەتە بۆ هیچ پەیج و کەناڵێکی ڕاگەیاندن نەداوە.
سەبارەت بەو بابەتە (د. هاوڕێ کەمال) باسی لەوە کرد کە ئەو هەزار دینارەی کە ساڵانە دووجار لە مووچەی مانگی 7 و مانگی 12 لە فەرمانبەر دەبڕێت بە پێی ماددەی 12ـی یاسای ڕەسمی پولی ژمارە (71)ـی ساڵی 2012ـەیە و لە سەرتاسەری عیراق جێبەجێ دەکرێت نەک تەنیا لە هەرێمی کوردستان، ئەم بابەتە نوێ نییە و ساڵانی ڕابردووش جێبەجێ کراوە و پێویستی بەهیچ بڕیارێک نییە.
وەزارەتی دارایی و ئابووری ئاماژەی بەوەش داوە کە "بە مافی خۆمانی دەزانین ڕێکاری یاسایی بەرامبەر کەناڵ و سەرجەم ئەو پەیجانە بگرینەبەر کە چەواشەکاریان لەو بابەتەدا کردووە
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه