شاره‌زایه‌كی بواری كه‌شناسی رایده‌گه‌یه‌نێت، له‌سه‌ره‌تای هه‌فته‌ی داهاتوه‌وه حاڵه‌تێكی دیكه‌ی تاوه باران و هه‌وره بروسكه ناوچه جیاجیاكانی هه‌رێمی كوردستان ده‌گرێته‌وه، ئه‌گه‌ری به‌فربارینیش له لوتكه‌ی شاخه به‌رزه‌كان هه‌یه.
شاڵاو هیدایه‌ت شاره‌زای كه‌شناسی له‌ڕاگه‌یه‌ندراوێكدا بڵاویكردۆته‌وه، "به‌هۆی جێگیربوونی سیسته‌می په‌ستان به‌رز له‌باكور و باشوره‌وه بۆسه‌ر ناوچه‌كانمان، ده‌بێته هۆی ڕه‌خساندنی كه‌شێكی سه‌قامگیر بۆ ماوه‌ی چه‌ند ڕۆژێك و ئه‌گه‌ری باران نابێت كه‌شوهه‌وا زیاتر خۆره‌تاو و ساماڵ ده‌بێت".
باسی له‌وه‌كردوه، "له ئه‌مڕۆوه بۆ سێ رۆژی داهاتو خێرایی با ئاسایی بۆ مام ناوه‌ند ده‌بێت و پله‌كانی گه‌رماش زیاتر جێگیر ده‌بن و گۆڕانكاریه‌كی ئه‌وتۆیان تێدا رونادات".
شاڵاو هیدایه‌ت ده‌شڵێت، "له‌ناو هه‌فته‌ی داهاتودا، حاڵه‌تێكی دیكه‌ی تاوه باران و هه‌وره بروسكه ناوچه جیاوازه‌كان ده‌گرێته‌وه، پێشبینیده‌كه‌ین له‌مه‌ودای 15 بۆ 16ی مانگ و به‌زۆریش 16ی مانگ 17ی مانگ، به‌هۆی كارتێكردنی نزمه پاڵه‌په‌ستۆیه‌كی ده‌ریای ناوه‌ڕاست بۆ ناوچه‌كه روده‌دات".
ئاماژه‌ی به‌وه‌شكردوه، "ئه‌گه‌ری كه‌مێك به‌فر له‌لوتكه‌ی شاخاویه زۆر به‌رزه‌كانی هاوسنور به‌ئێران و توركیا هه‌یه، پله‌كانی گه‌رما به‌ڕێژه‌ی 3 -4 نزم ده‌بنه‌وه و خێرایی باش زیاد ده‌كات له‌كاتی تاوه بارانه‌كاندا".
کوردستان پڕێس 
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه