ئه‌مڕۆ دووشه‌ممه، وه‌زاره‌تی خوێندنی باڵا و توێژینه‌وه‌ی زانسی، ئاگادارییه‌كی گرنگی بۆ ده‌رچوانی دوانزه‌ی ئاماده‌یی بڵاو كردووه و تێیدا هاتووه، وەزارەتى خوێندنى باڵا و توێژینەوەى زانستى، دەرچوانى پۆلى دوانزەى ئامادەیى ئاگادار دەکاتەوە بۆ پێشکەشکردن و پڕکردنەوەى فۆڕمى زانکۆلاین، ڕوو لەو سەنتەرانە نەکەن کە فەرمى نین و تەنیا بۆ دەستکەوتنى بڕێک پارە فۆرم بۆ دەرچوان پڕ دەکەنەوە، چونکە وەزارەت بەرپرس نابێت لەهەر هەڵەیەک لە کاتى پڕکردنەوەى فۆڕمەکانتان ڕووبدات.
ئه‌وه‌ش خراوه‌ته ڕوو، بۆ به‌رچاوڕونی زیاترى ده‌رچوانی پۆلی دوانزه و ئاشنابوونیان به سیستمه‌كانی وه‌رگرتن دەتوانن سەردانی وێبسایتى (www.regayzanko.com) بکەن و ڕێبەرى وەرگرتن بە وردى بخوێننەوە وەک بنچینەیەک بۆ پڕکردنەوەى فۆرمەکانتان، هەروەها دەتوانن سەردانى (مەڵبەندەکانى ڕاوێژکارى زانکۆ حکومییەکانى کوردستان) بکەن بۆ وەرگرتنى ڕونكردنه‌وه‌ی پێویست له‌سه‌ر چۆنیه‌تی پڕكردنه‌وه‌ی فۆرمی پێشکەش کردن بە سیستمه جیاوازه‌كان لە زانکۆلاین، ئه‌مه‌ش ده‌ره‌فه‌تێكی گرنگه بۆ ئه‌وه‌ی دەرچوان به‌ر له‌وه‌ی فۆرم پێشكه‌ش بكه‌ن، ئاگاداری ورده‌كارییه‌كانی سیستمه‌كان بن وهەوڵ بدەن خودى خۆیان فۆڕمەکان پڕبکەنەوە.
وەڵام بدەوه