پارتی دیموكراتی كوردستان وەك سەركەوتووترین حزبی هەڵبژاردنی 20ی ئۆكتۆبەری پەرلەمانی كوردستان دەست بە پڕۆسەی پێكهێنانی حكوومەتی كابینەی دەیەم دەكات و بۆ ئەو مەبەستەیش گەڕی یەكەمی دانووستانەكان دەست پێ دەكات.
پارتی دیموكراتی كوردستان كە زۆرترین دەنگی خەڵكی كوردستانی بە دەستهێناوە و 39 كورسیی پەرلەمانی هەیە، دەست بە پڕۆسەی پێكهێنانی حكوومەت دەكات و قسەی فەرمی دەبێت.
دوێنی مەسروور بارزانی سەرۆك وەزیرانی كوردستان رای گەیاند، دوای راگەیاندنی ئەنجامی فەرمی هەڵبژاردنەكان، پارتی قسەی خۆی دەكات. / ئەمڕۆ ئەنجامی فەرمی هەڵبژاردن لەلایەن كۆمسیۆنی عێراقەوە راگەیەنرا.
پارتی دیموكراتی كوردستان ئامادەكاری دەكات بۆ ئەوەی بەبەرنامەیەكی تۆكمەوە گەڕی یەكەمی دانووستان دەست پێ بكات بە مەبەستی پێكهێنانی كابینەی دەیەمی حكوومەتی هەرێمی كوردستان.
ئاماژە بۆ ئەوەیش كراوە كە پارتی ڤیتۆی لەسەر هیچ حزبێك نییە و سەردانی هەموو لایەنێك دەكات، چونكە پارتی پەیامی ئاشتی هەڵگرتووە لە پێناو كوردستان و خزمەتكردنی خەڵكی كوردستان.
وەڵام بدەوه