بەنداوێک سەرڕێژ بوو

ئەمساڵ بۆ سێیەمین جار بەنداوی باوەشاسوار لە سنووری شارۆچكەی كفری ئیدارەی سەربەخۆی گەرمیان سەرڕێژ بوو.

بەهۆی ئەو بارانەی لەم دوو رۆژەدا تەواوی كوردستانی گرتەوە، لە سنووری گەرمیان رێژەیەكی باش باران باری و بەنداوی باوەشاسواری پڕ كرد.

بەهۆی بارانەوە گوندی عەین شكور كە 20 خێزانی تێدا دەژی و سەربە شارەدێی جەبارەیە لە سنووری شارۆچكەی كفری، دانیشتووانەكەی بەهۆی بەرزبوونەوەی ئاستی ئاوی چەمەكانی تەنیشتیانەوە، گوندەكەیان چۆڵ كردووە.

بارانی دوو رۆژی رابردوو بڕێكی زۆری لە ناوچەكانی گەرمیان و سلێمانی و هەڵەبجە باراند، بەم هۆیەشەوە بەشێك لەو شوێنانە تووشی ئاستەنگ هاتن، بەهۆی رێژەی زۆری دابارین بەنداوی باوەشاسوار سەرڕێژی كردووە.

ئەمساڵ سێیەمین جارە بەنداوی باوەشاسوار لە سنووری شارۆچكەی كفری ئیدارەی سەربەخۆی گەرمیان سەرڕێژ دەبێت، دووەمجار لە 25ی ئاداری 2024 لە وەرزی بەهار بوو، ئەمشەویش بۆ سێیەمین جار سەرڕێژی كردووە، بەنداوەكە توانای گلدانەوەی شەش ملیۆن مەتر سێجا ئاوی هەیە.

بەگوێرەی ئەو ئامارەی وەزارەتی گواستنەوە و گەیاندنی حكوومەتی هەرێمی كوردستان بڵاوی كردووەتەوە، تەنیا لە 12 سەعات ڕابردوو لە ناوچە جیاجیاكانی هەرێمی كوردستان بەم شێوەیە بووە:

هەولێر 2.6 ملم

سلێمانی 24.8 ملم

دهۆك 0.4 ملم

كەركووك 21.8 ملم

هەڵەبجە 41.2 ملم

پیرمام 1.6 ملم

چەمچەماڵ 10.2 ملم

زاخۆ 3.5 ملم

خانەقین 10.8 ملم

خورماتوو 18.8 ملم

شەمامك 4.0 ملم

ئاكرێ 0.4 ملم

ئامێدی 0.6 ملم

بامەڕنی 2.4 ملم

بارزان 0.2 ملم

بازیان 14.4 ملم

دەربەندیخان 37.2 ملم

حاجی ئۆمەران 7.0 ملم

هەڵشۆ 9.8 ملم

كەلار 9.0 ملم

خەبات 0.8 ملم

مانگیش 2.8 ملم

مەیدان 13.8 ملم

سۆران 2.6 ملم

پێنجوێن 34.0 ملم

مێرگەسۆر 3.0 ملم