دوای نیوەڕۆی ئەمڕۆ بۆمبێكی بچووك لەكاتی مەشق و راهێنانەكاندا لەناو فەرماندەیی زێڕەڤانی هەولێر تەقییەوە و بەهۆیەوە سێ پێشمەرگە و ئەفسەرێك بریندار بوون وپارێزگای هەولێریش لە راگەیەنراوێكدا بڵاوی كردووەتەوە كە ئامادەیی هەموو هاوكاری و ئاسانكارییەكی بۆ چارەسەریان نیشان داوە.
ئەشەو دووشەم شەشی كانوونی دووەمی 2025، پارێزگای هەولێر بڵاوی كردووەتەوە، دوای نیوەڕۆی ئەمڕۆ لە کاتی مەشق و ڕاهێنانی یەکەی ئەندازەیی هەڵگرتنەوەی مین و تەقەمەنی فەرماندەیی زێرەڤانی لە هەولێر، "بۆمبێکی بچووک" تەقەییەوە و بەهۆیەوە ئەفسەرێک و سێ پێشمەرگە بریندار بوون.
زیاتر هاتووە، ئومێد خوشناو پارێزگاری هەولێر، بە یاوەری د.دلۆڤان محەمەد، بەڕێوەبەری گشتیی تەندروستی هەولێر لە نەخۆشخانەی ئیمرجنسی، سەردانی بریندارانی ڕووداوەکەی کرد و لە نزیکەوە لە دۆخی تەندروستیانی پرسی و هیوای زوو چاکبوونەوەی بۆ خواستن.
ئاماژە بەوەیش دراوە كە وەکو پارێزگای هەولێر ئامادەیی هەموو هاوکاری و ئاسانکارییەکی بۆ چارەسەرکردنیان نیشان دراوە و داوایش لە پزیشک و کارمەندانی نەخۆشخانەکە کراوە چی پێویستە بۆ چارەسەرکردنیان ئەنجامبدرێت.
لەبارەی دۆخی تەندروستی بریندارەكانیشەوە، پارێزگا روونی كردووەتەوە كە برینی بریندارەکان سووکە و مەترسی لەسەر ژیانیان نییە و رەنگە سبەی بتوانن بگەڕێنەوە ماڵی خۆیان و تەندروستیان باشە
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه