هەواڵێكی خۆش بۆ فەرمانبەران هات

دوای دابەشكردنی زەوی بەسەر فەرمانبەران لەلایەن حكوومەتی هەرێمی كوردستانەوە، ئێستە فەرمانبەران ئاگادار دەكرێنەوە پێویستییەكان بێنن بۆ ئەوەی زەوییەكانیان بۆ بكرێت بە كارت.

ئەمڕۆ پێنجشەم نۆی كانوونی دووەم، بەپێی زانیارییەكانی "کوردستان پرێس"،  ئەو فەرمانبەرانەی زەوییان وەرگرتووە، پێویستە بەخێرایی دەست بكەن بە دەرهێنانی كارتی زەوییەكانیان.

ئەوەش زانراوە، بۆ مامەڵەكە پێویستی بە كارتی نیشتمانی و كارتی زانیاری و پشتگیری هەیە و لە فەرمانگەكەی خۆی بۆ شارەوانی دێتە ناردن.

ئەوە لە كاتێكدایە كۆتایی ساڵی رابردوو، دابەشكردنی زەوی لە سەرانسەری هەرێمی كوردستان دەستی پێ‌ كرد، بڕیاریشە تەواوی ئەو فەرمانبەرانەی مەرجی وەرگرتنی زەویان هەیە، حكوومەت زەوییان پێ‌ بدات.

حكوومەتی هەرێمی كوردستان لە ساڵی رابردوو بڕیاری دابەشكردنی زەویی دا، بەشێك لە فەرمانبەران ئیستە زەوییان وەرگرتووە، بۆیە پێویستە دەست بكەن بە مامەڵەكانیان بۆ ئەوەی زەوییەكە بچێتە سەر ناویان.