هەواڵێکی دڵخۆشکەر بۆ هاوڵاتیانی هەولێر هات

بە فەرمانی مەسرور بارزانی، سەرۆكی حكوومەتی هەرێمی كوردستان پڕۆژەی فریاگوزاریی خێرای ئاویی هەولێر بە گوژمەی 480 ملیۆن دۆلار دەستی پێكرد و كاركردن تێیدا بەردەوامە، بە تەوابوونیشی وەك بەڕێوەبەرایەتیی گشتیی شارەوانییەكانی هەولێر دەڵێت: "كێشەی كەمئاوی لە شاری هەولێر لە 100% چارەسەر دەبێت"
ئەمڕۆ پێنجشەممە 16ی 1ی 2025، بەڕێوەبەرایەتیی گشتیی شارەوانییەكانی هەولێر ڕاپۆرتێكی ڤیدیۆیی لەسەر پڕۆژەی فریاگوزاریی خێرای ئاویی هەولێر بڵاو كردووەتەوە و ڕایگەیاندووە: "كاركردن لە پڕۆژەی فریاگوزاریی خێرای ئاویی هەولێر بە گوژمەی 48 ملیۆن دۆلار بەردەوامە."
باسی لەوەش كردووە، كە "لەسەر فەرمانی مەسرور بارزانی، سەرۆكی حكوومەتی هەرێمی كوردستان، پڕۆژەی فریاگوزاریی خێرای ئاویی هەولێر بەخێرایی بەڕێوە دەچێت و لە ڕێگەی چەند شەفتێكەوە 24 كاتژمێر كاركردن تێیدا بەردەوامە و ئێستا گەیشتووەتە سەنتەری قەزای بنەسڵاوە."
جەختی لەوەش كردووەتەوە، كە "بە نزیكەی 480 ملیۆن دۆلار دەست بە جێبەجێكردنی كراوە و بەتەوابوونی پڕۆژەكەش، كێشەی كەمئاوی لە شاری هەولێر بە ڕێژەی لە 100% چارەسەر دەبێت."
ئەوەشی خستووەتە ڕوو، كە "پڕۆژەی فریاگوزاریی خێرای ئاویی هەولێر لە ڕۆژێكدا 48 هەزار مەتر سێجا ئاو دەپاڵێوێت و دەبێتە هۆی داخستنی زیاتر لە هەزار بیری ئاو."
بەڕێوەبەرایەتیی گشتیی شارەوانییەكانی هەولێر ڕاشیدەگەیەنێت، داخستنی زیاتر لە هەزار بیرە ئاو بۆ پاراستنی ئاوی ژێر زەوی و بەفیڕۆنەدانی سامانی ئاوە