ناوەڕۆکی کۆبونەوە گرنگەکەی هەرێمی کوردستان ڕایگەیاندرا

گوتەبێژی یەكێتیی نیشتمانیی كوردستان ڕای دەگەیەنێت، گۆڕانکاریەکانی ناوچەکە و پرسی مووچە، ناوەڕۆکی کۆبوونەوەی نێوان مەسروور بارزانی، سەرۆکی هەرێمی کوردستان و بافڵ تاڵەبانی، سەرۆکی یەكێتی بووە و بۆ دیاریكردن و دابەشكردنی پۆستەكانی كابینەی داهووی حكوومەت نەبووە.

ئەمڕۆ هەینی، 17ی كانوونی دووەم، سەعدی ئەحمەد پیرە، لە لێدوانێكدا بۆ دەنگی ئەمەریكا گوتی: كۆبوونەوەی نێوان مەسروور بارزانی و بافڵ تاڵەبانی، تایبەت بووە بە دۆخی هەرێمی كوردستان و ناوچەکە کە دۆخێکی هەستیارە و دەبێت لایەنەکان ئاست و سەقفی داواکارییەکان بگونجێنن لەگەڵ دۆخەكەدا و دەستیان سووک بکەن لە ڕێککەوتن، بۆیە کۆبوونەوەکە ئەرێیی بووە.

ئەوەشی خستووەتە ڕوو: لە کۆبونەوەی نێوان مەسروور بارزانی و بافڵ تاڵەبانیدا، یەکێک لە بابەتەکان ئەوە بوو، هەوڵ بدرێت ژمارەی فەرمانبەران واقعی بیت و بگونجێت لەگەڵ ئەو ڕێککەوتنەی لەگەڵ بەغداد هەیە، هەروەها بیانوو نەدرێت بە نەیارەکانمان، واتە پرسی مووچە ئەوەندە نەبێتە پرسی میدیا و شەڕی ڕاگەیاندن، باشترە کارەکان ئاسان بکەین لەگەڵ یەکتردا.


سەعدی پیرە دەڵێت، دیار نییە کۆبوونەوەی داهاتوو لە نێوان هەردولا کەی دەبێت، بەڵام کۆبوونەوە بەم نزیکانە دەبێت، چاوەڕێین لیژنە هونەرییەكە کارەکانی خۆیان تەواو بکەن و بیبەن بۆ کۆبوونەوەی هاوبەش هیوادارین ئەنجامی باشی هەبێت.