سبەی نەوتی هەرزان دابەشدەکرێت

سبەی لەسنوری ئیدارەی سەربەخۆی سۆران 100 لیتر نەوت بە 30 هەزار دینار دابەش دەكرێت.
ئیدارەی سەربەخۆی سۆران لە راگەیەنراوێكدا بڵاوی كردەوە: " نەوتی حكوومەتی عیراقی فیدراڵ كە بۆ هەرێمی كوردستانی ناردووە، سبەی لە قەزای چۆمان دەست بە دابەشكردنی دەكرێت."
ئاماژە بەوە كراوە: "بڕی 100 لیتر بۆ هەر خێزانێك بە نرخی 30 هەزار دینارە."
ئەوەشی خستووەتە ڕوو: " حكوومەتی عیراق بڕی 50 ملیۆن لیتری بۆ تەواوی هەرێمی كوردستان ناردووە، كە دەكاتە رێژەی 19%ی پێداویستی هەرێمی كوردستان، بۆیە بەم شێوازە دابەش دەكرێت، سەرەتاش لە تەواوی ناوچە شاخاوییەكانەوە دابەش دەستپێدەكات."
رۆژی پێنجشەممە 16/1/2025، وەزارەتی سامانە سروشتییەكان، ڕاگەیاندراوێكی بڵاو كردەوە: "یه‌كه‌م کاروانی نەوتی سپی لە وەزارەتی نەوتی عێراقەوە گەیشتە پارێزگای هەولێر و بڕیارە لەم دوو رۆژرەدا بۆ پارێزگاکانی دیکەی هەرێمی کوردستانیش بنێردرێت."
ئاماژە بەوەش دراوە: "وەزارەتی نەوتی عێراق تەنیا ڕەزامەندیی لەسەر 19%ی پشکی هەرێمی كوردستان لە نەوتی سپی داوە.