مژدە بۆ فەرمانبەرانی سلێمانی هات

*هەژماری من ڕێگەیەكی نوێی نوێی تۆماركردن دەخاتە بەردەم فەرمانبەرانی پارێزگای سلێمانی*
بە مەبەستی تۆماركردنی سەرتاسەری لە چوارچێوەی پڕۆژەی هەژماری من، لەمەودوا  فەرمانبەرانی پارێزگای سلێمانی دەتوانن لەڕێگای پڕكردنەوەی فۆڕمێكی ئۆنڵاین خۆیان تۆماربكەن و ببنە خاوەنی هەژماری بانكی.
ئەم بژاردە نوێیە بەشێكە لە هەوڵەكانی هەژماری من بۆ ئاسانكاری لە تۆماركردنی فەرمانبەران تاوەكو بتوانن بەشێوەیەكی ئاسان و بەبێ سەردانیكیردنی بنكەكانی تۆمار خۆیان تۆماربكەن.  بۆ پڕكردنەوەی فۆڕمەكە دەتوانن سەردانی ئەم لینكە بكەن (https://enketo.moda.digital.gov.krd/x/9jPTAyDU).
بۆ زانیاری زیاتر، پەیوەندی بە سەنتەری خزمەتگوزاری پڕۆژەی هەژماری من بكەن بە ژمارە (1991). سەنتەرەكە لە كاتژمێر 8:00 بەیانی تاوەكو 9:00 شەو بەردەستە.