لەبەر ڕۆشنایی بڕیاری نووسینگەی سەرۆكی حكوومەتی هەرێمی كوردستان، وەزارەتی شارەوانی و گەشتوگوزار بڕیاری دا، لە سەرجەم باج و ڕسوماتەكانی بەناوكردنی زەوییەكانی گردجووتیار خۆشبێت.
ئەمڕۆ چوارشەممە 22ی 1ی 2025، سەرۆكایەتیی شارەوانیی هەولێر ڕایگەیاند: "له پێناو پاراستنى ماف و بەرجەستەكردنى عەدالەت له نێوان هاووڵاتيانى خاوەن ماف له كەرتی گردجووتيار و زياتر خزمەتكردنيان، له هەنگاوێكى كردارى دڵخۆشكەرانەدا و لەبەر ڕۆشنايى بڕيارى نووسينگەی سەرۆكی حكوومەتی هەرێمی كوردستان، وەزارەتی شارەوانى و گەشتوگوزار بڕیاریدا بە لێخۆشبوون له سەرجەم باج و ڕسوماتەکانی تۆمارکردن (بەناوكردن) لە بەڕێوەبەرایەتییەکانی تۆمارکردنی خانووبەرە له كاتى تۆماركردنى زەوییەكانيان، كە وەک قەرەبوو بۆیان دياريكراوه."
بۆ ئەو مەبەستەش، سەرۆكایەتیی شارەوانیی هەولێر ڕایدەگەیەنێت، كە "ئاگادارى خاوەن زەويیەكانى ژمارە (15 تاوەکوو 1150 و 2571 تاوەکوو 3498) لە کەرتی گردجووتیار دەكەينەوە ئەوانەی تاوەكوو ئێستا مامەڵەی خۆماڵەكردنيان ئەنجام نەداوه سەردانی دادگەى بەرايى هەولێر/6 ياخود سەرۆکایەتیی شارەوانیی هەولێر بكەن بەمەبەستی وەرگرتنى زانيارى و وەرگرتنى پسولەی پێڕاگەیاندن."
Focus News
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه