خوێندنی كوردی لە كەركووك لەبارەی خانەنشینی ئاگادارییەك بڵاو دەكاتەوە و دەڵێت، فەرمانبەرانی لەدایكبووی ساڵی 1962 و 1963 و 1964ن، لە ڕێكەوتی 31ی12ی2024 دەست لەكارهەڵگرتنیان بۆ بكەن.
ئەمڕۆ شەموو 25ـی كانوونی دووەم، لە ئاگادارییەكی بەڕێوەبەرایەتیی خوێندنی كوردی لە كەركووك كە سەربە وەزارەتی پەروەردەی حكوومەتی هەرێمی كوردستانە هاتووە، سەرجەم كارگێڕیی قوتابخانەكانی خوێندی كوردی ئاگادار دەكەینەوە، دەست لەكارهەڵگرتن بكەن بۆ ئەو فەرمانبەرانەی كە لەدایكبووی ساڵی 1962 و 1963 و 1964ن لە ڕێكەوتی 31ی12ی2024.
باس لەوەش كراوە، دەست لەكارهەڵگرتن بۆ ئەو فەرمانبەرانە بكرێت كە لەدایكبووی ساڵی 1965ن، بەپێی رۆژ و مانگی لەدایكبوونیان.
ئاماژە بەوەش كراوە، بۆ مامۆستایان دەبێت چاوەڕێ بكەن تا ئاگاداریان دەكەنەوە، چونكە چاوەڕێی گشتاندنی وەزارەتی پەروەردە دەكەن.
ئەوە لە كاتێكدایە ئێستە لە سەرجەم وەزارەتەكان ئامادەكاری بۆ خانەنشینكردنی فەرمانبەران دەكرێ كە ژمارەیان نزیكەی 35 هەزار مووچەخۆرە.
وەڵام بدەوه