نەتەنیاهۆ شکستی هێنا

گادی ئایزنکۆت سەرۆکی فراکسیۆنی ئۆپۆزسیۆن لە پەرلەمانی ئیسرائیل ڕای گەیاند، لە هەوڵەکانیدا بۆ پێکهێنانی حكوومەتێکی نوێ لە شوێنی حكوومەتەکەی بنیامین نەتانیاهۆ پێشکەوتنی گەورەی بەدەست هێناوە، هاوکات پێشبینیی کرد کە لەلایەن ئیسحاق هێرزۆگ سەرۆکی ئیسرائیلەوە ڕابسپێردرێت بۆ ئەنجامدانی ئەو ئەرکە، دوای ئەوەی 67 پەرلەمانتار پشتگیریی خۆیان بۆ دەربڕی.
ئەمڕۆ هەینی شەشی تشرینی دووەمی 2026، ئایزنکۆت لە پەیامێکدا لە پلاتفۆرمی X گوتی، پێشکەوتنی گەورەمان بەدەست هێناوە و سەرکەوتنی باشمان تۆمار کردووە و هێشتا زۆر شت لە پشت پەردەکانەوە بەڕێوە دەچێت.
ئەم پێشهاتە دوای ئەوە هات کە ئیسحاق هێرزۆگ سەرۆکی ئیسرائیل ڕۆژی پێنجشەم ڕای گەیاندبوو، ڕۆژی یەکشەم ناوی ئەو کەسە ئاشکرا دەکات کە ئەرکی پێکهێنانی حكوومەتی نوێی پێ دەسپێردرێت، ئەمەیش دوای کۆتاییهاتنی ڕاوێژ و کۆبوونەوەکانی لەگەڵ سەرکردەی پارتە سیاسییەکاندا.
سەرۆکی ئیسرائیل ئاماژەی بەوەیش کرد کە 67 پەرلەمانتار لە ناو کێنێسێتدا پشتگیریی خۆیان بۆ ڕاسپاردنی گادی ئایزنکۆت نیشان داوە بۆ ئەوەی کابینەی نوێی دەسەڵات پێکبهێنێت.