هەواڵێکى خۆش کارکردن لە پڕۆژەیەکى گرنگى هەولێر خێراتر دەکرێت

بە ڕاسپاردەی مەسرور بارزانی، سەرۆكی حكوومەتی هەرێمی كوردستان پڕۆسەی كار و پڕۆژە خزمەتگوزارییەكانی كەرتی باغڵومنارە خێراتر دەكرێن.

ئەمڕۆ دووشەممە 27ی 1ی 2025، سەرۆكایەتیی شارەوانیی هەولێر ڕایگەیاند: بۆ بەدواداچوونی ڕاسپاردەکانی مەسرور بارزانی، سەرۆکی حکوومەتی هەرێمی کوردستان و ساسان عەونی، وەزیری شارەوانی و گەشتوگوزار و ئومێد خۆشناو، پارێزگاری هەولێر، ئەندازیار - کارزان عەبدولهادی، سەرۆکی شارەوانیی هەولێر بەیاوەری سەرپەشتیار و ژمارەیەک لە ئەندازیارانی سەرپەشتیاری پڕۆژە، پڕۆژەی کارەکانی باغڵومنارەی بەسەرکردەوە."

لەو سەركردنەوەیەدا، سەرۆكی شارەوانیی هەولێر "لە نزیکەوە لە دوایین هەنگاوی کارەکانی کۆڵییەوە و سەرپەرشتیارانی پڕۆژەکەشی ڕاسپارد، کە پڕۆسەی کارە خزمەتگوزارییەکانی کەرتی باغڵومنارە خێراتر بکەن."

سەرۆكایەتیی شارەوانیی هەولێر ڕوونیشی كردووەتەوە، كە "لە ئێستادا بەشێوەیەکی چڕ، گەیاندنی خزمەتگوزاری بۆ كەرتی باغڵومنارە بەردەوامە و کۆی کارەکانیشی لەلایەن ستاف و تیمی خۆماڵی سەرۆکایەتیی شارەوانیی هەولێر سەرپەرشتی و جێبەجێ دەکرێت."