پرۆژەکى گرنگ لە سنورى هەولێر ئەنجام درا

پرۆژەی چاككردن و تەواوكاریی دووسایدی نوێی ماوەران - میراوە لە قەزای شەقڵاوە بە گوژمەی 90 ملیار دینار كەوتووەتە واری جێبەجێكردنەوە. ئەمڕۆ دووشەممە 28ی 1ی 2025، پارێزگای هەولێر ڕایگەیاند: "بە گوژمەی 90 ملیار دینار و بە درێژایی 10 كیلۆمەتر، دەستکرا بە پڕۆژەی چاككردن و تەواوكاریی دووسایدی نوێی ماوەران - میراوە (هامڵتۆن)." ڕاشیگەیاند: "پڕۆژەی چاككردن و تەواوكاریی دووسایدی نوێی ماوەران - میراوە (هامڵتۆن) دوای پێداچوونەوە بە دیزایین و ڕێڕەوی ڕێگاكە، بە درێژایی نزیكەی 10 كیلۆمەتر و بە بڕی 90 ملیار دینار، لە لایەن كۆمپانیا و هێزی خۆماڵی دەست بە كارەكانی كراوە." ئەوەشی خستووەتە ڕوو، كە "لە پڕۆژەكەدا وێڕای چاككردنەوەی ڕێگاكە، كاری نۆژەنكردنەوە و تەواوكارییە پێویستەكان بۆ هەردوو تونێلی میراوە و ماوەران دەكرێت و چەند بەرزە پردێكیش لە شوێنە پێویستەكان دروست دەكرێن."