کۆمپانیایەک پارەیەکی زۆری هاوڵاتیانی برد و ڕایکرد

لەلایەن كۆمپانیایەكی حەواڵە بۆ وەرگرتنی ڤیزەی بۆ هاووڵاتییان، چارەنووسی 550 دەفتەر دۆلار دیار نەماوە، بەشدارێكیش دەڵێت، خاوەن شوێنەكە دەڵێت من واژووم نەكردووە و جێگرەكەم كردوویەتی.

ئەمڕۆ شەموو یەكی شوبات، هاووڵاتی هونەر شێخ وەسمان،  رایگەیاند، لەلایەن كۆمپانیایەك، بڕە پارەیەكی زۆر براوە و ئێستە چارەنووسی پارەكە نادیارە.

زیاتر گوتی، ئەو پارەیە لەلایەن هاووڵاتییانەوە بۆ وەرگرتنی ڤیزەی فڕەنسا دراوە، گرێبەستەكەش بەشێوەیەك بووە كە ئەو هاووڵاتییە ئەگەر ڤیزەكە وەرنەگرێت، پارەكە بۆ بگەڕێنرێتەوە.

باسی لەوەش كرد، ئێستە ئەو كەسانەی مامەڵەیان كردووە، دووانیان هەڵاتوون و دووانی تریش گیراون، خاوەن كۆمپانیاكەش دەڵێت، من گرێبەستەكەم واژوو نەكردووە و لێی بەرپرسیار نیم، ئەوەی كردوویەتی جێگرەكەمە.

روونی كردەوە، بەپێی قسەی بەشداران، زیاتر لە 550 دەفتەر دۆلار بەو شوێنە دراوە و ئێستە چارەنووسی ئەو پارەیە دیار نییە، كەسیش نازانێت ئەو دوو كەسەی تر بۆ كوێ‌ هەڵاتوون.

ئەوە لە كاتێكدایە لە ماوەی چوار ساڵی رابردوودا دەیان كەیسی لەو شێوەیە ئاشكرا بووە و بە ملیۆن دۆلار پارەی هاووڵاتییان براوە