پارەی ئەو کارمەدانە گەیشت و ئەمڕۆ دابەشدەکرێت

بڕیارە ئەمڕۆ پارەی كارمەندانی سەر سندووقی دەنگدان دابەش بكرێت. چەند پێداویستییەك هەیە پێویستە كارمەند لەگەڵ خۆی بیهێنێت بۆ ئەوەی پارەكەی وەربگرێت.

ئەمڕۆ سێشەم چواری شوبات، خالید عەباس بەرپرسی ئۆفیسی دهۆكی كۆمسیۆنی هەڵبژاردنی عێراق،  رایگەیاند، دوای ئەوەی رێكارەكانمان تەواو كرد، ئەمڕۆ 4ی2ی2025، پارەی كارمەندانی هەڵبژاردنی پەرلەمانی كوردستان لە سنووری پارێزگای دهۆك دابەش دەكرێت.

زیاتر گوتی، پارەكە لە 10 بانكی جیاواز دابەش دەكرێت و دەبێت كارمەندەكە كارتی نیشتمانی و كارتی بایۆمەتری دەنگدان لەگەڵ خۆی ببات، بۆ ئەوەی پارەی خۆی وەربگرێت.

روونیشی كردەوە، ئەو كارمەندانەی كە فەرمانبەری حكوومەت نەبوون، 250 هەزار دینار وەردەگرن و ئەوانەیشی فەرمانبەری حكوومەتن، بڕی 150 هەزار دینار وەردەگرن، بڕیار دەرچووە پارە بۆ كارمەندانی یەدەگیش خەرج دەكرێت.

لە 20ـی ئۆكتۆبەری ساڵی رابردوو هەڵبژاردنی خولی شەشەمی پەرلەمانی كوردستان بەڕێوە چوو