حكوومەتی هەرێم بڕیاری هەناردەكردنەوەی نەوتی كوردستانی دا

ئەنجوومەنی وەزیران بڕیاری دەستپێكردنی ڕێكارەكانی هەناردەكردنەوەی نەوتی هەرێمی كوردستان دا .

ئەمڕۆ چوارشەم پێنجی شوبات، سەرچاوەیەك لە ئەنجوومەنی وەزیران ڕای گەیاند، ئەنجوومەنی وەزیرانی هەرێمی كوردستان بە كۆی دەنگ، بڕیاری دا بە دەستپێكردنەوە و  هەناردەكردنەوەی نەوتی كوردستان. 

بڕیارەكەی حكوومەتی هەرێم لە كاتێكدایە لە یاسای بودجەی عێراق، بڕیاری هەناردەكردنەوەی نەوتی كوردستان بە مەرجەكانی حكوومەتی هەرێمەوە درا.

بەپێی یاساكە دەستبەجێ دەست بە گەیاندنی نەوتی بەرهەمهێنراو لە هەرێم بۆ كۆمپانیای بە بازاڕكردنی نەوت سۆمۆ دەكرێت.

بەپێی دەقی یاساكە، وەزارەتی نەوتی فیدراڵی بەپێی بڕگەی (ئ) و (ب)ی ئەم بڕگەیە، قەرەبووی تێچووی بەرهەمهێنان و گواستنەوەی نەوتی كوردستان دەكرێتەوە، لەلایەن وەزارەتی دارایی فیدراڵی بەشێوەی سولفە بە تێكڕای (16) دۆلار بۆ هەر بەرمیلێك، كە دواتر چارەسەر دەكرێت دوای تەواوبوونی كاری راوێژكاری تەكنیكی تایبەتمەند كە لە سەرەوە باس كراوە