ئاراس جەبار، شارەزای كەشناسی، ڕایگەیاند: دوو سبەی پێنجشەمە 13/2/2025 لە ئەنجامی کاریگەریی نزمەپاڵەپەستۆی تورکیا بۆ سەر ناوچەکانی ھەرێمی کوردستان و بەتایبەت باکووری ھەرێمی كوردستان، ئاسمان بە زۆری دەگۆڕێت بۆ نیمچەھەور و ھەوری تەواو لە کاتەکانی ئێوارەشدا شەپۆلێکی بەفر و بارانبارین ناوچە جیاجیاکان دەگرێتەوە و کاریگەری شەپۆلەکە لەسەر ناوچەکانی پارێزگای دھۆک و ئیدارەی سۆران و ناوچە شاخاوییەکانی ھەولێر چالاکتر دەبێت و ئەگەری بارینی بەفر لە بەرزی 800 مەتر لە ئاستی رووی دەریاوە دەبێت، بۆ ناوچەکانی پارێزگای سلێمانی و ھەڵەبجە و کەرکووک و ئیدارەی راپەرین و گەرمیان بەگشتی شەپۆلەکە ناوەند بۆ لاواز دەبێت و بەفر لە بەرزی 1100 مەتر دەبارێت و پلەی گەرمی 1 تا 3 پلە نزم دەبێتەوە، بای باشوری رۆژھەڵاتیش ھەندێک کات چالاک دەبێت 10-25کم/ک، کاریگەریی ئەم شەپۆلە لە سەر زۆربەی ناوچەکان بەرەبەیانی رۆژی ھەینی 14/2/2025 کۆتایی پێدێت و لە ناوچەکانی رۆژھەڵاتی ھەرێمی كوردستان، نیوەڕۆی رۆژی ھەینی کۆتایی پێدێت.
ئاراس جەبار ڕێژەی بەفر و بارانبارینی پێشبینیكراوی بەم جۆرە خستووەتە روو:
پارێزگای دھۆک 15-40 ملم، بەفر 10-30 سم
پارێزگای ھەولێر 2-5 ملم، بەفر 5-30 سم
پارێزگای سلێمانی 5-10 ملم، بەفر 2-7 سم
پارێزگای ھەڵەبجە 2-5 ملم، بەفر 1-3 سم
پارێزگای کەرکوک 1-5 ملم
ئیدارەی راپەرین 5-15 ملم ، بەفر 5-30 سم
ئیدارەی سۆران 15-35 ملم، بەفر 5-30 سم
ئیدارەی گەرمیان 2-7 ملم
وەڵام بدەوه