ئەندامێكی ئەنجوومەنی نوێنەرانی عێراق بەفەرمی داوای زیادكردنی پشكی هەرێمی كوردستان لە بودجەی گشتیی عێراقدا دەكات و سەرژمێری گشتیش بۆ ئەوە دەكات بە بنەما.
سیپان شێروانی لەگەڵ بڵاوكردنەوەی وێنەی نووسراوە فەرمییەكەی لە فەیسبووكی خۆی نووسیویەتی، دوای ڕاگەیاندنی ئەنجامی سەرژمێری گشتی عێراق و چەسپاندنی ئەنجامەكان، ژمارە و ڕێژەی دانیشتووانی هەرێم لە عێراقدا بە دیاركەوت، ئەمەش دەردەخات دانیشتوانی هەرێم ڕێژەكەی نزیكەی 15% ی دانیشتوانی عێراقە.
روونیشی كردەوەتەوە كە ئەمە لە كاتێكدایە كە لە یاسای بودجەی فیدرالی سێ ساڵە، ژمارەی دانیشتوانی هەرێم و پشكی هەرێم بە 67.12% مەزەندە كرابوو، بۆیە بە فەرمی نووسراومان ئاراستەی سوودانی سەرۆك وەزیرانی فیدرالی كرد و داوامان كردوە بۆ پشكی هەرێم لە خشتەكانی بودجە بۆ ساڵی 2025 پشت بە ئەنجامی سەرژمێری گشتی ببەستێت، ئەمەش پاڵپشت بە بڕگەی سێیەمی مادەی 121 لە دەستووری عێراق.
وەڵام بدەوه