وەزارەتی دارایی ئاشکرای دەکات، لیستی مووچەی مانگی شوبات بە تەواوی ئامادەیە و ئەمڕۆ لە ڕێگەی تیمێکی تەکنیکی بۆ بەغدا دەنێردرێت.
سەرچاوەیەكی ئاگادار لە وەزارەتی دارایی رایگەیاند: "لیستی مووچەی مانگی شوبات کە لە ڕێگەی سیستەمی (پەیرۆڵ) کراوە، 100% تەواو بووە و ئامادەیە."
ئاشکراشی کرد: "ئەمڕۆ 26ی2ی2025، تیمێکی تەکنیکی سەر بە وەزارەتی دارایی هەرێمی کوردستان دەچنە بەغدا و لیستی مووچە ڕادەستی وەزارەتی دارایی فیدڕاڵ دەكەن."
ئاماژەی بەوەش دا، بەهۆی زۆری داواکارییەکانی دارایی فیدڕاڵ، ناردنی لیستەکە دوا کەوت، گوتیشی: "هەموو داواکارییەکان جێبەجێ کراون و لیستی مووچەی مانگی دوو تەواو کرا."
وەڵام بدەوه