چەپکێک گوڵی سۆز و وەفا وخۆشەویستی و رێز بۆ یادی ئەو سەرکردەیەی بۆ گەل و نیشتیمان و سەرخستنی دۆزی رەوای کورد و تۆخ کردنەوەی چەمکەکانی نیشتیمان پەروەری و خەبات و تێکۆشان و رەت کردنەوەی ستەمی نەتەوایەتی و گەیشتن بە ئازادی و پچراندنی زنجیرەکانی کۆیلەبوون و ژێر دەستەیی ژیا و بۆ خۆی نەژیا...ئەو دەریایەکی ھێمن و کێوێکی خۆراگری خۆنەویست بوو.
با یادی بارزانی تەنیا لە نووسینی چەند دێڕێکی رووت و پیاھەڵدانێکی سەرپێیی و بێ ناوەرۆک و مەغزا و پەیام و خۆ بردنە پێشەوە و ھەلپەرەستی کورت نەکرێتەوە.!!
باشترین وەفا و سۆز بۆ بارزانی سەرکردە گەرانەوەی بۆ شێوەی ژیان و خاکەرایی و ھەڵسوکەوت و مامەڵە و مێتۆدو پارادایمەکانی خەبات وتێکۆشانی ئەم کەڵە پیاوە مێژووکردەی ،دیرۆکی خەباتی بزاڤی رزگاریخوازی کوردی بە جوامێری نووسیەوەو بە سەربەرزی نەخشاندی. بارزانی تا بۆی لوا، لە پرەنسیپە جوانەکانی بەرخودان و دادپەروەری و خزمەت بە گەل و نیشتیمان، بۆ ساتێکیش لای نەدا و نەسڵەمیەوەو کۆڵی نەدا.
با یادی بارزانی، ئەو سەرکردەیەی کەم ژیاو کەڵ ژیا، ببێتە فاکتەری بە خۆداچوونەوەو گرێدانی دوێنێ و ئەمرۆ و داھاتوو بەیەکەوەو پاک کردنەوەی ھزرو بیرەکان لەو شتانەی لە بنەماکانی قوتابخانەی بارزانی و لە پرەنسیپەکانی کۆڵنەدان و تێکۆشان و نیشتیمان پەروەری دووری خستینەوە.
وەڵام بدەوه