باران بارین بەردەوام دەبێت

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان ڕایگه‌یاند، ئه‌مڕۆ شه‌ممه‌ ئاسمان هەورى باراناوى دەبێت و رێژەى دابارین لە پارێزگاكانی سلێمانی و هەڵەبجە و ئیدارەی گەرمیان زیاترە بەراورد بە ناوچەکانى ترى هەرێم، سبەینێش ئاسمان هەوری تەواو دەبێت لەگەل بارینی باران لە هەندێ كات و شوێن.

به‌ڕێوه‌به‌رایه‌تی كه‌شناسی و بومه‌له‌رزه‌زانی هه‌رێمی كوردستان بڵاویكرده‌وه‌، ئەمڕۆ شەممە ئاسمان هەورى باراناوى دەبێت لە زۆربەى کاتەکاندا، رێژەى دابارین لە پارێزگاكانی سلێمانی و هەڵەبجە و ئیدارەی گەرمیان زیاترە بەراورد بە ناوچەکانى ترى هەرێم.

ئاماژه‌ی به‌وه‌شكرد، خێرایی با لەسەرخۆ - مامناوەند ده‌بێت و له‌نێوان 10 بۆ 20 كیلۆمه‌تر له‌ كاتژمێرێكدا ده‌بێت و ئاڕاستەی با باکوری خۆرهەڵات دەبێت، پلەکانی گەرما بە نزیکەی ( 2 – 4 ) پلەى سیلیزى نزمتر دەبێت لە تۆمارکراوەکانی دوێنێ.

كه‌شناسی ده‌ڵێت، سبەی یەکشەممە ئاسمان هەوری تەواو دەبێت لەگەڵ بارینی باران لە هەندێ كات و شوێن، لە كاتەكانی ئێوارەدا هەندێك جار باران بارین بەشێوەی لێزمە باران دەبێت، خێراىی با لەسەرخۆ - مامناوەند.

ئه‌وه‌شی خسته‌ڕو، پلەکانی گەرما نزیك دەبێتەوە لە تۆمارکراوەکانی ئەمڕۆ، مەوداى بینین له‌نێوان 6 – 8  كیلۆمه‌تردا ده‌بێت.

هەولێر: 19  پلەی سیلیزی
سلێمانی: 16 پلەی سیلیزی
دهۆک: 18  پلەی سیلیزی 
کەرکوک: 20 پلەی سیلیزی  
زاخۆ: 18 پلەی سیلیزی
هەڵەبجە: 16 پلەی سیلیزی
سۆران: 17 پلەی سیلیزی
حاجی ئۆمەران: 3 پلەی سیلیزی
گەرمیان: 20 پلەی سیلیزی