ئەگەری تاوە باران و هەورە بروسکە هەیە

ئەمڕۆ دووشەممە 10/3/2025، بەشی پێشبینیی وەزارەتی گواستنەوە و گەیاندن پێشبینییەكانی كەشوهەوای بۆ 48 كاتژمێری داهاتوو بڵاو كردەوە و ئاماژەی بەوە داوە، ئەمڕۆ، ئاسمان هەوری تەواو دەبێت، لە زۆربەی ناوچەكانیشدا ئەگەری تاوەباران و دروستبوونی هەورەبرووسكە هەیە، پێشبینیش دەكرێت، بۆ ماوەیەكی كورتخایەن لە سەنتەری شارەكان ببارێت.

پێشبینیی ئەوەش دەكرێت، ڕێژەی بارانبارین لە ناوچەكانی ڕۆژهەڵاتی هەرێمی كوردستان و سنووری پارێزگای سلێمانی، هەروەها لە ناوچەكانی بادینان، زیاتر بێت.

ئەوەش خراوەتە ڕوو، سبەی سێشەممە 11/3/2025، ئاسمان هەوری تەواو دەبێت، لە ناوچە جیاجیاكانی هەرێمی كوردستاندا، ئەگەری تاوەباران و هەورەبرووسكە هەیە، زیاتر لە ناوچە شاخاوییەكان و ڕۆژهەڵاتی هەرێمی كوردستان دەبێت، پاشان ئاسمان بۆ نیمچەهەور دەگۆڕێت، لە كاتەكانی ئێوارەشدا كەش سەقامگیر دەبێتەوە.

بەرزترین پلەی گەرمای پێشبینیکراو بە پلەی سیلیزی:

هەولێر: 19  پلەی سیلیزی
سلێمانی: 15 پلەی سیلیزی
دهۆک: 17 پلەی سیلیزی
کەرکووك: 19 پلەی سیلیزی 
زاخۆ: 17 پلەی سیلیزی
هەڵەبجە: 15 پلەی سیلیزی
سۆران: 14 پلەی سیلیزی
حاجی ئۆمەران: 7 پلەی سیلیزی
گەرمیان: 18 پلەی سیلیزی