دارایی هەرێم نووسراوێکی بۆ لیستی مووچە دەرکرد

وەزارەتی دارایی بە نووسراوێکی چوار خاڵی بۆ وەزارەت و فەرمانگەکان لەبارەی ئامادەکردنی لیستی مووچە دەرکرد.
سەرچاوەیەكی ئاگادار لە وەزارەتی دارایی و ئابووریی حكوومەتی هەرێمی كوردستان، رایگەیاند، بۆ ئامادەکردنی لیستی مووچەی مانگی ئادار بە نووسراوێک چەند خاڵ دیاری کراون و دەبێت لە ئامادەکردنی لیستی مووچەدا ڕەچاو بکرێن.
یەکەم: بە هیچ جۆرێک هیچ کەسێک لە لیستی مووچە زیاد نەکرێت بە هۆکاری ئەوەی کەسوکاری شەهیدە، یاخود لەبیر کراوە، یان هەر هۆکارێکی دیكە.
دووەم: پێویستە ڕوونکردنەوەیەک بە عەربی بە پەسندکراوی ڕەوانە بکەن، کە تیایدا بەتەواوی ئاماژە بە وردەکارییەکان بدرێت، بۆ نموونە چەند کەس خانەنشین بوونە، یان لە مۆڵەتدان، یان هەر حاڵەتێکی دیکە.
سێیەم: هیچ گۆڕانکارییەک لە لیستی مووچەدا ناکرێت، مانگی دوو دەبێتە بنچینە.
چوارەم: تەنیا مۆڵەتە بێ مووچەکان ئەگەر هەبێت لەکاتی دەست بەکاربوونیان بێت زیاد دەکرێن.
سەرچاوەکەی وەزارەتی دارایی ئاشکراشی کرد لەشەوی ڕابردووەوە سیستەمی (پەیڕۆڵ) بەردەستە بۆ ئامادەکردنی لیستی مووچەی مانگی سێ و بەزووترین کات لیستی مووچەیان بۆ ڕەوانەی دارایی دەکرێت.