دوو بازرگان دەستگیرکران

دوو بازرگانی بە مادەی هۆشبەرەوە گیران

بەڕێوەبەرایەتی نەهێشتنی مادە هۆشبەرکان بڵاوی کردەوە، (٢) دوو تۆمەتبار دەستگیرکران و زیاتر لە (١)یەک کیلۆگرام ماددەی هۆشبەریش دەستی بەسەرداگیرا..

دەشڵێت، لەبەردەوامی هەوڵەکانمان بۆ ڕووبەڕووبوونەوە و نەهێشتنی ماددە هۆشبەرەکان، بەرێوەبەرایەتی نەهێشتنی ماددەهۆشبەرەکان دوای وەرگرتنی بڕیاری بەڕێز دادوەری لێکۆڵینەوەی ئاساییش، لەناو شاری هەولێر لە(٢٨ی ٣ی ٢٠٢٥) توانی (٢) تۆمەتبار کەکاری کڕین و فرۆشتن و بڵاوکردنەوەی ماددەی هۆشبەر دەکەن، دەستگیربکەن.

لەم چاڵاکیانەدا توانراوە بڕی زیاتر لە (١) یەک کیلۆگرام ماددەی هۆشبەر لەجۆری(ماریجوانا) دەستی بەسەردا بگیرێت.

ئەو دوو تۆمەتبارەی کەدەستگیرکراون بەپێی یاسای بەرەنگاربوونەوەی ماددەهۆشبەرەکان و کارتێکەرە ئەقڵیەکان مامەڵەیان لەگەڵدا دەکرێت.