جێگری وەزیری دەرەوەی توركیا گەیشتە لای سەرۆکی حکومەت بەڕێز مەسرور بارزانی

سەرۆكی حكوومەت پێشوازی لە جێگری وەزیری دەرەوەی توركیا كرد و گفتوگۆیان كرد لەبارەی دەستپێكردنەوەی هەرنادەی نەوتی كوردستان و گرنگی ئەنجامدانی پڕۆژەی ستراتیجی رێگەی گەشەپێدان و بەستنەوەی وڵاتانی كەنداو و عێراق و هەرێمی بە توركیا. 

ئەمڕۆ هەینی 18ی نیسان بە پێی راگەیەنراوێكی نووسینگەی سەرۆكی حكوومەتی هەرێم، مەسروور بارزانی سەرۆكی حكوومەتی هەرێم پێشوازی لە نوح یەڵماز‌ جێگری وەزیری دەرەوەی تورکیا كرد.

لە راگەیەنراوەكەی نووسینگەی سەرۆكی حكوومەتدا هاتووە، لە کۆبوونەوەکەدا برەودان بە پێوەندی دوولایەنە لە بوارە جۆراوجۆرەکاندا و دوایین پێشهات و گۆڕانکارییەکانی دۆخی گشتیی عێراق و ناوچەکە تاوتوێ کرا.  

زیاتر هاتووە، هەروەها گفتوگۆ لەبارەی گرنگیی دەستپێکردنەوەی هەناردەکردنەوەی نەوتی هەرێمی کوردستان لە ڕێگەی بەندەری جەیهان کرا،  هەروەها باس لە گرنگیی ئەنجامدانی پڕۆژەی ستراتیجی ڕێگەی گەشەپێدان و بەستنەوەی وڵاتانی کەنداو و عێراق و هەرێمی بە تورکیا و ئەوروپا لە ڕێگەی هێڵی ئاسنین کرا. 

لە بەشێکی تری کۆبوونەوەدا ، بیروڕایان لەبارەی پرۆسەی ئاشتی لە تورکیا ئاڵۆگۆڕ کرد و پشتیوانیی خۆیان بۆ سەرخستنی پرۆسەکە دووپات کردەوە. لەمبارەیەوە جێگری وەزیری دەرەوەی تورکیا ، سوپاسی سەرۆکی حکوومەتی کرد بۆ پشتیوانیی لە پرۆسەکە