سلێمانی دژی بەغدا هەڵوێستی ڕاگەیاند

پارێزگاری سلێمانی رای گەیاند، بەهۆی بەبارمتەگرتنی هەموو خەڵكی كوردستان لەلایەن دەسەڵاتدارانی ناوخۆیی و عێراقی فیدراڵەوە، هیچ بۆنەیەكی جەژن بەڕێوە نابەین.

ئەمڕۆ پێنجشەم پێنجی حوزەیران، هەڤاڵ ئەبوبەكر پارێزگاری سلێمانی رای گەیاند، لەم جەژنەدا بەهۆی بەبارمتەگرتنی هەموو خەڵكی كوردستان لەلایەن دەسەڵاتدارانی ناوخۆیی و عێراقی فیدراڵەوە، لەسەر ئەو تەرزەی ((تاوانی نانبڕینی كەسێك، لە سەربڕینی ئەو كەسە؛ گەورەترە))، تەنیا بەڕێزەوە ڕێز لە ئەرك و سرووت و نەریتە ئاینییە باڵا و باوەكانی كۆمەڵگاكەمان دەگرین.

دەشڵێت، نزای حەجێكی وەرگیراو بۆ حاجیان و بەهێزبوونی ئیرادە و خۆڕاگری و پێكەوەكاركردنی هەمووان، بۆ تێپەڕاندنی لووتكەی نابەرپرسیارێتی و ترۆپكی ستەمكاریی، بۆ هەموو ئێوەی خۆشەویست دەكەین.

باس لەوەش دەكات، دڵنیاتان دەكەینەوە هەموو دامەزراوەكانی حكوومەتی خۆجێی سلێمانی لە خزمەتی هاووڵاتییاندا دەبن.

لە كۆتایی قسەكانیدا دەڵێت، وەك ناڕەزایەتییەك بۆ ئەو دەسەڵاتحوكم و دەسەڵاتدەوڵەتەی هەیە و بانگەشەی مافی هاووڵاتی و ئاینداری و پێكەوەژیان دەكەن؛ هیچ ڕێوڕەسمێكی فەرمیی جەژن بەڕێوە نابەین