قەدەغەی هاتووچۆ ڕاگەیاندرا

قەدەغەی هاتووچۆ بۆ ڕۆژانی جەژن راگەیەندرا

هاتووچۆی هەولێر لەبارەی قەدەغەی ڕۆژانی جەژنی قوربان ئاشکرای دەکات، کە هاتووچۆی ئۆتۆمبێلی بارهەڵگر و ماتۆرسیکڵ قەدەغەیە.

بەرێوەبەرایەتی هاتووچۆی هەولێر لە راگەیەندراوێکدا لەبارەی قەدەغەکردنی هاتووچۆی ئەو ئۆتۆمبێلانەی قەرەباڵغی دروست دەکەن لە ڕۆژانی جەژنی قوربان رایگەیاند: "ئاگاداری شوفێرانی بارهەڵگر و ماتۆڕسیکل دەکەینەوە، کەوا لەهەر 4 ڕۆژی جەژنی قوربانی پیرۆز هاتووچۆی ئۆتۆمبێلی بارهەڵگر و ماتۆرسیکڵ قەدەغەیە".

شوێنی قەدەغە کردنەکەش ڕووندەکاتەوە: "قەدەغەکردنەکە لەو ڕێگایانەی کە دەکەونە سەر شوێنە گەشتیاری و سەیرانگاکان".

هاتووچۆی هەولێر هۆکاری قەدەغەکردنی هاتووچۆی بارهەڵگڕ و ماتۆڕ ئاماژە پێ دەدات: "ئەم بڕیارە لەپێناو بەرژەوەندی گشتی ودرووست نەبونی جەنجاڵی و ئاستەنگی هاتووچۆ و سەلامەتی گەشتیارانە لەم ڕێگایانە".