بەرپرسێکی وەزارەتی دەرەوەی ئەمریکا بە تۆڕی میدیایی رووداوی راگەیاند: "بۆ بەهێزکردنی سەروەرییەکەی، پێویستە حکومەتی عێراق دڵنیابێتەوە لەوەی فەرماندەیی و کۆنترۆڵی تەواوی هێزە ئەمنییەکانی لەدەستدایە، بە حەشدی شەعبیشەوە."
جەختیش دەکاتەوە کە دەبێت ئەو هێزانە لە ژێر فەرمانی فەرماندەی گشتیی هێزە چەکدارەکانی عێراق بن، "نەک ئێران".
ئەو بەرپرسەی وەزارەتی دەرەوەی ئەمریکا ڕایگەیاند ، بەرپرسی نووسینگەی رووداو لە واشنتن کرد، نیگەرانیی وڵاتەکەی دەربڕی لەبارەی "میلیشیاکانی نزیک لە ئێران" کە لە چوارچێوەی حەشدی شەعبیدا کاردەکەن و گوتی: "ئەو میلیشیایانە کە کەس و گرووپی سەر بەو رێکخراوانەیان تێدایە کە بە رێکخراوی تیرۆرستیی بیانی پۆڵێنکراون، بەردەوامن لە نانەوەی تووندوتیژی و کاری تێکدەرانە لە عێراق."
بەرپرسە ئەمریکییەکە کە نەیویست ناوی ئاشکرا بکات، گوتی: "ئێمە بەردەوام داوا لە حکومەتی عێراق دەکەین کە ئەو گرووپانە جڵەو بکات و لە بەرامبەر پێشێلکردنی یاسای عێراقدا، رووبەڕووی لێپرسینەوەیان بکات."
سەبارەت بە سەلامەتیی هێزەکانیان لە عێراق، بەرپرسەکەی وەزارەتی دەرەوەی ئەمریکا جەختی لەوە کردەوە کە دۆناڵد ترەمپ، سەرۆکی وڵاتەکەی "هیچ شتێکی لە سەلامەتیی کارمەندانی ئەمریکا لە لا گرنگتر نییە،" هەروەها روونیکردووەتەوە کە ویلایەتە یەکگرتووەکان "بەرگری لە خۆی و کارمەند و بەرژەوەندییەکانی دەکات."
KurdistanPress
کوردستان پڕێس سەرچاوەیەکى گرنگ بۆ بینینى نوێترین هەواڵى سیاسیى , کۆمەڵایەتى,لە هەرێمی کوردستان ,ئەوروپا ئێمە فۆکس دەخاینە سەرئەوبابەتانەى کوردانەن و پەیوەندیان هەیە بە ئایندە و داهاتووى گەلەکەمان , ئامانجان بڵاوکردنەوەى بابەتى ڕۆشنبیرى و چەسپاندنی دیموكراتی, کارەنمان بڵاو دەکەینەوە لەڕیگەى ویب سایت و سۆشیال میدا لەئیستادا تەنیا بەزمانى کوردى بابەتەکانمان بڵاو دەکەینەوە لەناوخۆى کوردستان و ئەوروپا لە داهاتووى نزیک بەزمانى تریش کارەکانمان بڵاو دەکەینەوە ئامانجمان ئەوەیە ببینە سەرچاوەیەکى راست و گرنگ بۆ گەیاندنى هەوڵ بۆهەواداراکانمان بەپێى یاساکانى ڕۆژ نامەوانى , ئێمە لەڕێگەى لەتۆڕە کۆمەڵایەتیەکانمان و ویب سایتەکەمان بابەتەکانمان بڵاو دەکەینەوە
وەڵام بدەوه