هێزێکی ئەمریکا لەو ناوچەی کوردستان جوڵەی پێکرا

ئه‌مڕۆ پێنجشه‌ممه‌ 3ی ته‌مموزی 2025، هێزێكی گه‌وره‌ی سه‌ربازیی ئه‌مریكا به‌ره‌و شاری سنووری شاری حه‌سه‌كه‌ له‌ رۆژئاوای كوردستان جوڵه‌ی كرد.

ڕوانگه‌ی سووری بۆ مافه‌كانی مرۆڤ ڕاگه‌یاندراوێكی بڵاو كرده‌وه‌ و تیایدا هاتووه‌: "ئه‌مڕۆ له‌ ڕێگه‌ی ده‌روازه‌ی ئه‌لوه‌لید هێزێكی ئه‌مریكی كه‌ پێكهاتبوو له‌ 20 ئۆتۆمبێلی سه‌ربازی هاتنه‌ نێو خاكی سووریاوه‌ و به‌ره‌و بنكه‌ی سه‌ربازیی قه‌سروك له‌ باكووری شاری حه‌سه‌كه‌ به‌ڕێوه‌ن."

ئاماژه‌ به‌وه‌ش دراوه‌، هێزه‌كه‌ له‌ چوارچێوه‌ی به‌رده‌وامیی دابینكردنی لۆجستی سه‌ر به‌ هێزه‌كانی هاوپه‌یمانان به‌ره‌و ناوچه‌كه‌ دێن.

هاوكات روانگه‌ی سووری بۆ مافه‌كانی مرۆڤ، ئه‌وه‌شی خستووه‌ته‌ ڕوو كه‌ رۆژی 1ی ئه‌م مانگه‌ هێزێكی تری ئه‌مریكا له‌ هه‌رێمی كوردستانه‌وه‌ بۆ هه‌مان بنكه‌ی سه‌ربازی چوون.